Ziamielny ŭčastak u 4,3 ha, na jakim raźmiaščaŭsia farforavy zavod, zmahli pradać tolki z čaćviortaha razu. Raniej nie było zacikaŭlenych kampanij, hatovych pakryć straty ad kanfiskacyi ziamielnaha ŭčastka i znosu raźmieščanych na im budynkaŭ u pamiery 66,5 młrd (niedaminavanych) rubloŭ.
U lipieni 2013 hoda znajšoŭsia inviestar, hatovy ŭziacca za hetuju terytoryju. Za łot na tarhach zmahalisia dva ŭdzielniki. Adnym ź ich była kampanija «Infareałt», jakaja i kupiła ŭ vyniku prava arendy terytoryi za 13,4 młrd (niedaminavanych) rubloŭ.
Malunak pradstaŭleny zabudoŭščykam
«Infareałt» źbirajecca zbudavać na kuplenym učastku šmatfunkcyjanalny kompleks «Farforavy».
Malunak pradstaŭleny zabudoŭščykam
Šeść siekcyj pieršaha žyłoha doma kompleksu buduć budavacca adnačasova, a zdavać jaho płanujecca pa miery hatoŭnaści puskavymi kompleksami pa siekcyjach (padjezdach).
Zdača pieršaha žyłoha doma z parkinham płanujecca ŭ druhim kvartale 2021 hoda. Ale kupić kvatery ŭ novabudoŭli možna budzie ŭžo ŭ siaredzinie lipienia.
Prajekt kompleksu źmiaščaje try žyłyja damy, 4 padziemnyja parkinhi, 3 biźnies-centry, SPA-kompleks z basiejnam i sałonam pryhažości, prybudavany dziciačy sad na 70 miescaŭ, praduktovy mahazin, fudkort, boŭlinh z kafe, trenažornaja zała i inšyja abjekty sacyjalnaj infrastruktury.
Malunak pradstaŭleny zabudoŭščykam
U žyłych damach prapanujecca vybar 1-, 2-, 3-, 4-, 5-pakajovych kvater svabodnych płanirovak. Na dvuch vierchnich pavierchach — kvatery z terasami. Vyšynia stolaŭ z 2-ha pa 12-j pavierchi — 2,8 m (padłoha-stol), z 13-ha pa 15-j pavierchi — 3 mietry.
Na pieršych pavierchach raźmieščany šmatfunkcyjanalnyja pamiaškańni roznych płoščaŭ ad 43 da 95 kv. m z asobnymi ŭvachodami. Tut płanujecca raźmiaścić kaviarniu-kandytarskuju, kłuby, siekcyi dla zaniatkaŭ pa intaresach, dziciačyja hurtki, sacyjalna-bytavyja pradpryjemstvy, ofisy, vystavačnuju halereju i da t.p.
Hałoŭnaj asablivaściu kompleksu budzie piešachodny bulvar na miescy byłoj raki Piarespa, jakuju ŭ 60-ch hadach minułaha stahodździa zahnali ŭ padziemny kalektar. Kancepcyja bulvara — azialenienaja łandšaftnaja kampazicyja, jakaja imituje suchoje rečyšča byłoj raki, što «praciakaje» pad mastkami piešachodnych darožak i znakamitym «Piareśpienskim mastkom».
Aryjencirovačnyja ceny kvater i šmatfunkcyjanalnych pamiaškańniaŭ na starcie prodažaŭ u lipieni 2019-ha — ad sumy ŭ rublach, ekvivalentnaj 1500 dołaraŭ za kv. m. Košt mašyna-miesca ekvivalentny sumie ad 13 200 dalaraŭ. Płanujecca, što košt kvatery budzie raści na 25 dalaraŭ za kv. m u miesiac, ofisa — na 10 dalaraŭ za kv. m u miesiac, a mašyna-miesca — na 120 dalaraŭ za miesca. Takim čynam, da zdačy doma kvatery padaražejuć bolš čym na 30%.
