Zasnavalnica «Pres-kłub Biełaruś» Julija Słuckaja pierakananaja, što ludzi, jakija zastajucca ŭ emihracyi, pierastajuć razumieć, što adbyvajecca na radzimie. Pra heta jana raskazała ŭ videaintervju BAŽ.
Paśla padziej 2011 hoda byłaja redaktarka «Kamsamolskaj praŭdy» i «Jeŭraradyjo» Julija Słuckaja źjechała za miažu, ale viarnułasia i stvaryła ŭ Biełarusi prajekt «Pres-kłub Biełaruś».
«Kali mnie stała jasna, što kultura supraćstajańnia źmianiajecca, što možna niešta rabić, ja prosta pryjechała i stała rabić, tamu što padabajecca hetym zajmacca, tamu što tut heta treba. Rabić adtul toje, što treba tut, — heta na samaj spravie nieefiektyŭna. Jość druhi składnik — heta asabistaje: u mianie tut dzieci, u mianie tut užo ŭnuki, ja chaču być pobač.
A jašče ja razumieju, što ludzi, jakija tam zastalisia, jany niepaźbiežna hublajuć suviaź i pierastajuć razumieć, što tut adbyvajecca. Pa hazietnych navinach i pa stasunkach ź ludźmi, jakija tam, heta niemahčyma. Ja prosta baču: ludzi, jakija zastalisia, u mocnym adryvie», — patłumačyła jana.
