U Šyłutskim rajonie Litvy haryć tarfianik na płoščy 12 ha. Abvieščany zbor techniki, u tym liku vajskovaj, z usioj Litvy, infarmuje litoŭskaje vydańnie lrytas.lt.
Paviedamleńnie ab uzharańni pastupiła siońnia kala 13.00. Kab zhasić tarfianik moža spatrebicca niekalki dzion, bo takija pažary składana likvidavać.
Supraćpažarnaja słužba maje namier źviarnucca pa dapamohu da vojska, jakoje mahło b zadziejničać viertaloty. Pa słovach vidavočcaŭ, dym ad pažaru bačny z Kuršskaj kasy.
Ludziam pažar nie pahražaje, bo tarfianik znachodzicca ŭ addalenym ad nasielenych punktaŭ rajonie. Adnak kali kirunak vietra źmienicca, husty dym dasiahnie horada Šyłucie i viosak, raźmieščanych pobač z tarfianikam.
0
0
0
0
0
0
