Usie temy, jakija siońnia chvalujuć nasielnictva, asabliva rezanansnyja, znachodziacca na kantroli Administracyi prezidenta, zajaviła žurnalistam kiraŭnik Administracyi Natalla Kačanava, paviedamlaje BiełTA.
Adkazvajučy na pytańnie žurnalistaŭ ab situacyi z budaŭnictvam akumulatarnaha zavoda ŭ Breście, Natalla Kačanava adznačyła, što pieršapačatkova hetaja tema znachodziłasia ŭ kampietencyi miascovych orhanaŭ ułady, pakolki na ich uzroŭni zaklučałasia inviestycyjnaja damova.
«Tamu kiraŭnikom dziaržavy była dadziena mahčymaść na praciahu peŭnaha času razabracca z hetym prablemnym pytańniem na miescy, — patłumačyła kiraŭnik Administracyi. — Adnak na dadzieny momant situacyja pakul nie ŭrehulavana. Z ulikam hetaha kampietentnym orhanam daručana bolš hłyboka i detalova razabracca ź situacyjaj. Pa vynikach razhladu buduć pryniaty peŭnyja rašeńni».
Natalla Kačanava zapeŭniła, što ab usich padobnych prablemnych temach kiraŭnik dziaržavy infarmavany, jon samym surjoznym čynam adsočvaje infarmacyju, jakaja jamu pradastaŭlajecca.
Kiraŭnik Administracyi dadała, što rašeńnie takich pytańniaŭ nie tryvaje ciahaniny, jany pavinny razhladacca bolš apieratyŭna, kab nie vyklikać niezadavolenaść abo sacyjalnuju napružanaść u hramadstvie.