Prezidenty Rasii, Biełarusi i Tadžykistana pabačacca na cyrymonii zakryćcia Jeŭrapiejskich hulniaŭ u Minsku 30 červienia, ab mahčymym praviadzieńni ŭ biełaruskaj stalicy trochbakovaj sustrečy lidaraŭ Maskvie pakul nie viadoma. Pra heta paviedamiŭ žurnalistam pres-sakratar kiraŭnika rasijskaj dziaržavy Dźmitryj Piaskoŭ, piša tass.ru.
«My pakul pra heta ničoha nie viedajem. Jany ŭ lubym vypadku pabačacca na cyrymonii zakryćcia Jeŭrapiejskich hulniaŭ. Ab inšych płanach haspadaroŭ [biełaruskaha boku] my pakul nie viedajem», - skazaŭ Piaskoŭ.
Raniej u piatnicu Alaksandr Łukašenka na sustrečy ź lidaram Tadžykistana Emamali Rachmonam skazaŭ, što Uładzimir Pucin prylacić u Minsk. Jon taksama paviedamiŭ ab mahčymaści trochbakovaj sustrečy. Pavodle jaho słoŭ, prezidenty mohuć abmierkavać u tym liku pytańni, aktualnyja dla SND i Arhanizacyi Damovy ab kalektyŭnaj biaśpiecy.
