Futbalistka zbornaj Šviejcaryi i kłuba «Janh Bojz» Fłaryjana Ismaili źnikła padčas kupańnia ŭ voziery Koma (Italija).
Jak paviedamlaje Blick, futbalistka ź siabroŭkaj ŭziała ŭ arendu matornuju łodku. Dziaŭčaty adpłyli ad bieraha 700 mietraŭ, paśla čaho kinuli jakar.
Padčas pryniaćcia soniečnych van spartsmiency stała horača. Jana vyrašyła vykupacca. Ismaili skoknuła ŭ voziera, paśla hetaha jaje nichto nie bačyŭ.
«Ja vyrašyła, što jana zachacieła mianie razyhrać. Čakała, što jana raptam źjavicca na druhim kancy łodki. Adnak čas prajšoŭ, a jana tak i nie źjaviłasia. Ja, viadoma ž, pačała klikać jaje i pazvaniła ratavalnikam», — padzialiłasia spadarožnica futbalistki.
Pra incydent stała viadoma 30 červienia. Ratavalniki i vadałazy šukajuć cieła.
