Zdareńnie adbyłosia ŭ Viciebsku. Złamyśniki sustreli 86-hadovaha dziadulu la adnoj z kramaŭ. Niby pad padstavaj prodažu pa vielmi nizkaj canie posudu i elektrainstrumientaŭ jany ŭcierlisia da jaho ŭ davier, i navat dapamahli dabracca da doma, kab u kamfortnaj abstanoŭcy prademanstravać tavar, paviedamlaje abłasnaja milicyja.
Tam jamu pradali častku tavaru, a taksama skrali prademanstravanyja hrošy: 1500 jeŭra i 1500 dalaraŭ.
Vyjaviŭšy prapažu źbieražeńniaŭ, piensijanier źviarnuŭsia ŭ milicyju. Zatrymać złamyśnikaŭ udałosia tolki ŭ Mazyrskim rajonie dziakujučy pilnaści miascovaha ŭčastkovaha, jaki apaznaŭ abvieščanych u vyšuk padazravanych i vyklikaŭ viciebskich apieratyŭnikaŭ.
Jość padstava mierkavać, što ad dziejańniaŭ złamyśnikaŭ mahli paciarpieć i inšyja hramadzianie. Tamu ŭsich, chto staŭ achviaraj padazravanych prośba źviarnucca ŭ milicyju pa telefonie 102.
