Niezarehistravany Biełaruski nacyjanalny kanhres vystupiŭ z zajavaj, dzie zaklikaje ludziej adznačyć 3 Lipienia (u hety dzień adznačajecca na dziaržaŭnym uzroŭni Dzień Niezaležnaści).
Mikałaj Statkievič. Fota Voli Aficeravaj.
«Dziesiacihoddziami naš narod adznačaŭ hetuju datu, jak śviata vyzvaleńnia ŭsioj Biełarusi ad hitleraŭskaj akupacyi. Jak dzień, kali zavieršylisia 3 hady niaspynnaha žachu, zabojstvaŭ, hvałtu i rabaŭnictva, pad pahrozaj jakich pastajanna znachodziŭsia kožny mirny žychar našaj ziamli», — havorycca ŭ zajavie BNK.
Kanhres zaklikaje ludziej u hety dzień prynieści kvietki da mahiłaŭ voinaŭ, jakija zmahalisia suprać nacyzmu.
Lidar BNK Mikałaj Statkievič na svajoj staroncy ŭ fejsbuku napisaŭ, što asabista jon płanuje ŭskłaści kvietki da mahiły savieckich voinaŭ na vulicy Tałbuchina ŭ Minsku.
