U Litvie zatrymali 36-hadovaha minčuka Michaiła Płyšeŭskaha, jaki padmanuŭ na radzimie siem čałaviek na $100 tysiač, paviedamlaje MUS.
U našaj krainie mužčyna datyčny da ździajśnieńnia machlarstva ŭ asabliva bujnym pamiery. Jon padmanuŭ sama mieniej siem čałaviek, zavałodaŭ ich hrašyma na sumu kala $100 tysiač i źbieh za miažu. Minčuk taksama moža ŭvachodzić u skład złačynnaha sindykata, jaki zajmajecca kradziažom hrošaj z bankaŭskich rachunkaŭ žycharoŭ Jeŭrasajuza.
Padčas zatrymańnia mužčyny ź im niezakonna znachodziłasia jaho dačka, jakuju ŭ Biełarusi šukała maci. U suviazi z hetym dziaŭčynka była abvieščanaja ŭ mižnarodny vyšuk. Baćka pazbaŭleny baćkoŭskich pravoŭ. Kab zabrać dzicia z saboj, jon padaŭ padroblenuju zhodu maci na vyjezd dački za miažu.
Minčuk chavaŭsia ŭ Rasii, AAE, Indaniezii, Turcyi, Francyi, Ukrainie i krainach Bałtyi. U hetych krainach mužčyna nie mieŭ stałaha miesca žycharstva i pracy.
Zaraz Michaił Płyšeŭski znachodzicca ŭ SIZA, vyrašajecca pytańnie ab ekstradycyi. Jaho dačka ŭ słužbie pa abaronie pravoŭ dziciaci ŭ Vilni. U najbližejšy čas jana vierniecca ŭ Minsk da maci.