U aŭtaparku Łukašenki źjaviŭsia novy braniavany limuzin Mercedes-Maybach Pullman Guard za 1,4 miljona jeŭra. Fota: Hienadź Mažejka.
Najnoŭšy Mercedes-Maybach Pullman Guard z prezidenckimi numarami pakazaŭsia la stadyjona «Dynama», dzie prachodziła cyrymonija zakryćcia druhich Jeŭrapiejskich hulniaŭ. Heta apošniaje, samaje novaje pakaleńnie braniavanych limuzinaŭ ad kampanii Mercedes. Miarkujecca, što na hetaj ža mašynie Alaksandr Łukašenka pryjedzie na parad z nahody Dnia Niezaležnaści 3 lipienia, piša kp.by.
Vializnyja zadnija dźviery limuzina ŭručnuju adčyniać ciažka, tamu ŭ mašynie ŭstalavany elektrapryvad, jaki dapamahaje ich adčyniać i začyniać. Fota: Hienadź Mažejka.
Pastaŭki Mercedes-Maybach Pullman Guard pačalisia letaś. Ale čakać zakazčykam prychodzicca doŭha: kožnaja mašyna budujecca kala dzieviaci miesiacaŭ. Kiroŭcu i pasažyraŭ abaraniaje braniavanaja stal, ustalavanaja pad padłohaj i pa pierymietry kletki sałona, stal u spałučeńni z kieŭłaram u dachu, kuleŭstojlivaje škło italjanskaj firmy Isoclima taŭščynioj bolš za 6 santymietraŭ.
Rasstreł va ŭpor sa šturmavych vintovak limuzinu nie strašny. Fota: Hienadź Mažejka.
Jość i sakret: zamiest zadniaha škła ŭstalavanaja braniavanaja zahłuška, zamaskiravanaja zvonku standartnym škłom. U vyniku limuzin adpaviadaje ŭzroŭniu abarony VR9 — rasstreł va ŭpor sa šturmavych vintovak limuzinu nie strašny. A abarona ad padryvu adpaviadaje standartu ERV —2010: limuzin zdolny vytrymać vybuch 15 kh traciłu za 2 mietry ad aŭtamabila i za mietr nad ziamloj.
Vializnyja zadnija dźviery limuzina ŭručnuju adčyniać ciažka, tamu ŭ mašynie ŭstalavany elektrapryvad, jaki dapamahaje ich adčyniać i začyniać. A za ŭźniaćcie-apuskańnie łaminiravanaha polikarbanatam braniavanaha škła adkazvaje hidraŭlika. Masa limuzina — 5,1 tony. U ruch aŭtamabil pryvodzić šaścilitrovy mator, jaki dasiahaje 530 konskich sił.
Interjer praduhledžvaje najvyšejšaje azdableńnie, najaŭnaść bara, masažnych kresłaŭ. Fota vytvorcy.
Interjer praduhledžvaje azdableńnie vysokaj jakaści, najaŭnaść bara, masažnych kresłaŭ. Taksama jość achoŭnaja braniavanaja pieraharodka, jakaja nie tolki adździalaje VIP-pierson ad kiroŭcy i ciełaachoŭnika, a jašče i abaraniaje ich.
Bazavaja cana branievika — 1,4 miljona jeŭra. A z opcyjami nakštałt siren, strabaskopaŭ, hučnahavarycielaŭ i inšaha indyvidualnaha abstalavańnia jana moža vyraści — limitu, pa sutnaści, niama. Siońnia heta samaja darahaja pradstaŭnickaja madel u śviecie. Plus myty: na takuju mašynu jany składajuć 784 tysiačy jeŭra (kali afarmlać aŭtamabil na jurydyčnuju asobu).
Sałon raskošnaha limuzina.
Dakładna nieviadoma, chto jašče z kiraŭnikoŭ dziaržaŭ śvietu vykarystoŭvaje taki aŭtamabil. Nieviadoma i kolkaść užo vyrablenych mašyn — ale vidavočna, što ich zusim niašmat.
U prezidenckim aŭtaparku bolš za dziasiatak roznych aŭtamabilaŭ. Da niadaŭniaha času fłahmanskim limuzinam byŭ braniravany Mercedes Pullman Guard — tady apošniaha, a ciapier užo papiaredniaha pakaleńnia. Hety limuzin kraina ŭpieršyniu ŭbačyła 21 studzienia 2011 hoda padčas žyvoj tranślacyi inaŭhuracyi Łukašenki, užo čaćviortaj pa liku. Darečy, hety limuzin pakazaŭsia navat raniej, čym dakładna taki ž źjaviŭsia ŭ Pucina.
Da siońnia fłahmanskim limuzinam Alaksandra Łukašenki byŭ hety braniravany Mercedes Pullman Guard. Fota sajta avto-nomer.ru.
Braniravany Pullman zrobleny na bazie Mercedes S-kłasa piataha pakaleńnia (kuzaŭ W221). Restajlinhavaja viersija (u Łukašenki mienavita takaja) vypuskajecca z 2009 hoda. Pad kapotam mašyny — V-padobny 12-cylindravy ruchavik abjomam 5,5 litra i mahutnaściu 517 koniej. Ceny na novyja aŭtamabili ŭ Hiermanii pačynalisia ad 900.000 jeŭra i zaležać ad pažadańniaŭ kankretnaha zakazčyka.
