Pra heta «Našaj Nivie» raskazali ŭ himnazii, u jakoj vučyŭsia chłopčyk. Fakt paćvierdzili i ŭ adździele adukacyi Maładziečanskaha rajvykankama.
Adnakłaśniki chłopčyka raskazvajuć, što zdareńnie adbyłosia 10 lipienia.
«Chłopca zvali Andrej, jon moj adnakłaśnik. Hod tamu ŭ jaho padčas hulni ŭ futboł zdaryŭsia prystup, i jon straciŭ prytomnaść. Jaho reanimavali, jon upaŭ u komu, ale praz paru dzion bieź jakich-niebudź uskładnieńniaŭ ź jaje vyjšaŭ. Niešta padobnaje nakštałt prystupu zdaryłasia i ŭčora. Ale jaho nie paśpieli vyratavać», — raskazała adnakłaśnica chłopčyka.
Aficyjnaja pradstaŭnik upraŭleńnia Śledčaha kamiteta pa Minskaj vobłaści Taćciana Biełanoh raskazała, što pa fakcie śmierci padletka pravodzicca pravierka.
Pa papiaredniaj infarmacyi, pryčyna śmierci — zachvorvańnie, jakoje było ŭ chłopčyka.
