5 vieraśnia ŭ Vilni adbuducca vučeńni, jakija imitujuć avaryju na BiełAES, praduhledžana evakuacyja žycharoŭ, piša Delfi.
BiełAES. Fota: Minsk-naviny.
Pa słovach dyrektara administracyi Vilenskaha samakiravańnia Poviłasa Padziarskisa, razhladajecca scenar z raspaŭsiudžvańniem radyjacyjnaha zaražeńnia ŭ radyusie 50 km ad AES — heta zona ŭklučaje ŭ siabie i Vilniu.
«Scenar praduhledžvaje imitacyju, što peŭnuju častku Vilni treba evakuiravać, ludzi buduć nakiroŭvacca na tak zvanyja punkty sanitarnaj apracoŭki, punkt budzie abstalavany kala areny Siemens. My tam vykanajem hetuju praceduru: pieraapraniem ludziej, pasadzim ich u aŭtobusy i pa vulicy Ukmierhies adpravim u kirunku Ukmierhie», — raspavioŭ Padziarskis.
Padčas vučeńniaŭ pasprabujuć acanić hatoŭnaść hrupy municypalnych pradpryjemstvaŭ, inšych słužbaŭ da adpaviednych pahroz, buduć imitavacca i kibiernietyčnyja ataki.
