Śviata karejskaj kultury razhorniecca siońnia ŭ Vierchnim horadzie Mienska, paviedamlaje BiełTA.

Hości zmohuć akunucca ŭ tak zvanuju karejskuju chvalu, pasłuchaŭšy tvory sučasnaha kirunku karejskaj papularnaj muzyki - K-Ror. Pa ŭsim śviecie maładyja ludzi imknucca zavučvać pieśni i tancy svaich karejskich kumiraŭ - ajdałaŭ.

Sioleta na fiestyvali budzie niamała biełaruskich tancavalnych kalektyvaŭ, jakija pakažuć, što takoje K-Ror, pradstaviŭšy samyja haračyja muzyčnyja navinki i tancavalnyja chity.

Tradycyjnuju kulturu Krainy ranišniaj śviežaści pradstavić tvorčy kalektyŭ «Aryranh». Virtuoznaje vałodańnie nažami, viejerami i barabanami, rytualnyja tancy, tradycyjnyja karejskija kaściumy chanbok (darečy, možna budzie navat prymieryć) - usio heta čakaje hledačoŭ śviata ŭ Vierchnim horadzie.

Dałučycca da karejskaj kultury možna budzie i praz uroki kalihrafii, tradycyjnyja hulni, infarmacyjny stend ab Respublicy Kareja, sełfi ŭ tematyčnaj fotozonie z vyjavami ajdałaŭ.

Možna navat pasprabavać samastojna zrabić tradycyjnuju karejskuju masku, paznajomicca ​​z navinkami karejskaha aŭtaprama.

Dla samych maleńkich haściej fiestyvalu budzie pracavać śpiecyjalny stend z akvahrymam.

I, viadoma, abaviazkovaj składnikam stanie dehustacyja straŭ karejskaj kuchni: vostraj kvašienoj kapusty kimčy, łokšyny ź jałavičynaj i harodninaj čapčche, rołaŭ kimbap.

Śviata projdzie ad 13.00 da 17.00, uvachod volny.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?