Jak paviedamiła aficyjny pradstaŭnik Śledčaha kamiteta RF Śviatłana Piatrenka, havorka idzie pra sumu ŭ pamiery 1 młrd rubloŭ, piša bbc.com.

«Śledčym kamitetam raspačata kryminalnaja sprava ab ździajśnieńni finansavych apieracyj z hrašovymi srodkami, zaviedama nabytymi inšymi asobami złačynnym šlacham», - skazała jana.

Da hetaha MUS Rasii pieradało ŭ Śledčy kamitet materyjały kryminalnaj spravy, pavodle jakich supracoŭniki fondu Navalnaha, a taksama ludzi ź im źviazanyja, u pieryjad sa studzienia 2016 pa śniežań 2018 hoda «atrymali ad trecich asob bujnuju sumu hrošaj u rublach i zamiežnaj valucie, jakija zahadzia dla ich byli nabytyja złačynnym šlacham».

Jak vynikaje z zajavy, apublikavanaj na sajcie Śledčaha kamiteta, hetyja srodki byli ŭniesienyja praz bankamaty ŭ Maskvie na bankaŭskija rachunki, a zatym pieraviedzieny na biahučyja rachunki Fondu baraćby z karupcyjaj (FBK).

Zaraz, jak paviedamlaje SK, vyśviatlajucca asoby ŭsich tych, chto mieŭ dačynieńnie da hetaj apieracyi, a taksama krynicy atrymańnia srodkaŭ i ich abjom.

Pieršym pra novuju kryminalnuju spravu paviedamiła vydańnie «Prajekt», hruntujučysia na svaich krynicach. Kamientujučy hetuju publikacyju, kiraŭnik štaba Navalnaha Leanid Vołkaŭ napisaŭ: «Chočuć, zdajecca, abviaścić usie achviaravańni (jakija išli praz maje rachunki)» admyvańniem «(cikava, čaho?) - heta značyć zrabić finansavańnie rehijanalnych štaboŭ Navalnaha niemahčymym».

Sam Alaksiej Navalny i dyrektar fondu Ivan Ždanaŭ znachodziacca pad administracyjnym aryštam, a juryst fondu Luboŭ Sobal zatrymanaja ŭ časie pratestaŭ u Maskvie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?