Siońnia ŭ 17.29 u Mahiloŭskaje adździaleńnie BČ pa elektronnaj pošcie pastupiła paviedamleńnie ab nibyta zakładzienaj vybuchovaj pryładzie ŭ budynku čyhunačnaha vakzału ŭ Minsku. Taksama dźvie vybuchovyja pryłady nibyta zakładzienyja ŭ samalotach rejsaŭ «Minsk-Kijeŭ» i «Minsk-Kalininhrad», jakija pavinny byli vylatać siońnia viečaram z aeraporta «Minsk-2». Pra heta paviedamiła aficyjny pradstaŭnik MUS Volha Čamadanava.

U ciapierašni čas z budynka čyhunačnaha vakzału evakuirujucca naviedvalniki. Taksama praviarajucca samaloty nazvanych rejsaŭ.

Na miescach pracujuć śledča-apieratyŭnyja i sapiorna-piratechničnyja hrupy, milicyja, MNS.

A 20.07 pradstaŭnik MUS paviedamiła, što pošuk vybuchovych pryładaŭ na vakzale i ŭ samalotach skončany. Vybuchoŭka vyjaŭlenaja nie była. I ciapier pačynajecca pošuk taho, chto dasłaŭ listy pra miniravańnie.

«Padobnyja «pasłańni» vielmi doraha abychodziacca dziaržavie, tamu pakarańnie iłžeminiora praduhledžana vielmi niežartoŭnaje. Až da siami hadoŭ pazbaŭleńnia voli», — havorycca ŭ paviedamleńni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?