Nazvu dadatkaŭ Instagram i WhatsApp dapoŭniać udakładnieńniem «ad Facebook». Pra heta paviedamlaje RIA Naviny sa spasyłkaj na vydańnie The Information.

Abnoŭlenyja nazvy buduć adlustroŭvacca ŭ kramach dadatkaŭ Apple i Google Play, a taksama ŭnutry Instagram i WhatsApp. Na ekranie mabilnych pryład dadatki zastanucca pad raniejšymi nazvami.

Pres-sakratar Facebook Bierci Tomsan adznačyŭ, što takija miery dazvolać paznačyć prynaležnaść dadatkaŭ da kampanii.

Pavodle krynic, sacsietka takim čynam płanuje palepšyć reputacyju na fonie skandałaŭ z-za ŭciečki piersanalnych źviestak.

Rasśledavańnie suprać Facebook pačali ŭ sakaviku 2018-ha ŭ suviazi ź pieradačaj asabistaj infarmacyi 87 miljonaŭ karystalnikaŭ analityčnaj kampanii Cambridge Analytica, jakaja supracoŭničała z prezidentam ZŠA Donaldam Trampam padčas pieradvybarnaj kampanii.

Na padstavie atrymanych źviestak daśledčyki aceńvali palityčnyja pieravahi vybarcaŭ i pakazvali im rekłamu, jakaja traplała ŭ zonu ich intaresaŭ. Facebook taksama vinavaciać u parušeńni pahadnieńnia ad 2011 hoda, u adpaviednaści ź jakim sacsietka abaviazujecca infarmavać karystalnikaŭ ab pieradačy źviestak inšym dadatkam i pytać dazvołu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?