Amal 4 hadziny supracoŭniki viciebskaha AMAP viali pieramovy z mužčynam, jaki źbiraŭsia źvieści rachunki z žyćciom, paviedamiła pres-słužba MUS.
Infarmacyja ŭ milicyju pastupiła siońnia na śpiecliniju 102. Vidavočcy paviedamili, što na 9-m paviersie ŭ domie na praśpiekcie Ludnikava ŭ akonnym prajomie bałansuje mužčyna.
Jon pahražaŭ ździejśnić suicyd, majučy namier skoknuć uniz. Jon stajaŭ za aknom na vuzkim vystupie, prychinuŭšysia śpinoj da ściany. Heta vyklučała mahčymaść padyści da jaho niezaŭvažna.
Supracoŭniki AMAPu pačali hutaryć ź im, sprabujučy adhavaryć ad niepapraŭnaha kroku. Pieramovy zaniali biez małoha čatyry hadziny. Za hety čas žychar Viciebska raspavioŭ im pra siabie, pra toje, što vypadkova zajšoŭ u hety padjezd, ale tak i nie nazvaŭ pryčynu, što šturchnuła jaho na taki ŭčynak.
Uhavaryŭšy 55-hadovaha mužčynu spuścicca, amapaŭcy pieradali jaho miedykam. Jon byŭ ćviarozy.
