Kiraŭnik Biełarusi Alaksandr Łukašenka pryznačyŭ vybary ŭ Pałatu pradstaŭnikoŭ na 17 listapada.
Času da zastajecca krychu bolej za try miesiacy. «NN» spytałasia ŭ arhanizataraŭ Dzion Voli — 2018 i 2019 Paŭła Biełavusa, Eduarda Palčysa i Antona Matolku, ci płanujuć jany ŭdzielničać u jakaści kandydataŭ na hetych vybarach.
Pavieł Biełavus, ułaśnik kramy symbal.by
«Nie, takich płanaŭ u mianie nie było. Pry ciapierašniaj sistemie nie maju šancaŭ pieramahčy».
Eduard Palčys, błohier, aŭtar sajta 1863x.com
«Nie źbirajusia. Na siońniašni momant Pałata pradstaŭnikoŭ ni na što nie ŭpłyvaje, sumlennych vybaraŭ niama, a dla taho, kab prajści tudy, treba kamuści vielmi padabacca ŭ Drazdach ci Administracyi prezidenta».
Anton Matolka, błohier
«Nie. Nie baču siabie ŭ isnujučaj sistemie. Majo mierkavańnie, što pa-za sistemaj ciapier ja mahu rabić našmat bolš. Maja zadača — nie ŭłada ci imitacyja palityki, a sprabavać mianiać toje, što možna mianiać tut i ciapier».
