Ukrainski aliharch Ihar Kałamojski, jaki padtrymlivaŭ Uładzimira Zialenskaha, raspavioŭ RBK pra pieramovy ab pryjomie na pracu rasijskaha televiadučaha Uładzimira Sałaŭjova.
Pa słovach Kałamojskaha, Sałaŭjoŭ pavinien byŭ pracavać na ŭkrainskim telekanale «1+1». «Jon u adzin čas pierajechaŭ u Izrail, u 2011 ci 2012 hodzie, kali ŭ jaho byli niejkija niepryjemnaści ŭ Rasii. I jon [Sałaŭjoŭ] dosyć surjozna pra heta dumaŭ. U nas ź im rychtavałasia navat padpisańnie kantraktu i ŭžo «navat abmiarkoŭvali finansavyja pytańni», - raspavioŭ aliharch.
Pavodle słovaŭ aliharcha, Sałaŭjovu prapanoŭvali pasadu viadučaha aŭtarskaj prahramy na «1+1».
Adnak paśla žurnalistu «daravali» i jon viarnuŭsia ŭ Rasiju, praciahnuŭ Kałamojski. Pry hetym biźniesmien padkreśliŭ, što sam z Sałaŭjovym nie sustrakaŭsia. Pieramovy ŭ Izraili vioŭ stryječny brat žurnalista Alaksandr Šapira, jaki, pa słovach Kałamojskaha, «byŭ jaho tavaryšam», ź jakim jany razam vučylisia.
Sałaŭjoŭ abviarhaje słovy Kałamojskaha: jon zajaviŭ, što z Šapiram nie znajomy i «niepryjemnaściaŭ u Rasii» nie mieŭ.
