Prakuratura Maskvy patrabuje pazbavić baćkoŭskich pravoŭ muža i žonku, jakija pryjšli na mitynh «Za svabodnyja vybary» 27 lipienia z małym synam.
Padčas mitynhu baćki, pa zajavie prakuratury, pieradali adnahadovaje dzicia inšamu čałavieku, što «padvierhła niebiaśpiecy zdaroŭje i žyćcio chłopčyka, a taksama paciahnuła pryčynieńnie jamu fizičnaha i maralnaha ŭronu».
«Takim čynam, muž i žonka, ekspłuatujučy dzicia, złoŭžyli baćkoŭskimi pravami ŭ škodu intaresam syna. Pakazanyja parušeńni pasłužyli padstavaj dla nakiravańnia … u sud zajavy ab pazbaŭleńni baćkoŭskich pravoŭ», — dadajecca ŭ relizie.
Čałaviekam, jakomu para pieradała dzicia, byŭ Siarhiej Famin — adziny ź dziesiaci fihurantaŭ maskoŭskaj spravy ab masavych biesparadkach, jaki nie znachodzicca pad vartaj: jon abvieščany ŭ fiederalny vyšuk. Jak raniej śćviardžaŭ SK, pakidajučy mitynh, Famin «uziaŭ na ruki čužoje maleńkaje dzicia dla bieśpieraškodnaha prachodu mima ačapleńnia».
Demanstranty ŭ Maskvie skandavali «Dołoj vłasť čiekistov» i «Rośsija biez Putina»
