Siońnia kanał Nexta Lite paviedamiŭ pra zdareńnie na budplacoŭcy pa vulicy Jakuba Kołasa - tam upaŭ budaŭničy kran. U Dziaržpramnahladzie infarmacyju pra zdareńnie paćvierdzili tut.by.
Heta zdaryłasia 6 žniŭnia na budplacoŭcy na Jakuba Kołasa 73/3, dzie pravodziać rekanstrukcyju šmatfunkcyjanalnaha budynka.
Pavodle vidavočcaŭ, kran nios plitu, i pry jaje apuskańni strała ŭpała prosta na razhruzačnuju rampu kramy, jakaja znachodzicca pobač.
- Z słužbovych dźviarej u hety momant jakraz vychodziŭ kiroŭca hruzavoha aŭtamabila, jaki vioz pradukty. Akazałasia, u jaho vydatnaja reakcyja: mužčyna cudam paśpieŭ zaskočyć nazad u pamiaškańnie. Dziakujučy hetamu jon zastaŭsia ceły, - paviedamili Nexta Lite.
Zakazčykam rabot na abjekcie źjaŭlajecca kampanija «DS-Bazis», tam paćvierdzili, što ŭ kursie taho, što zdaryłasia, paciarpiełych na abjekcie niama.
- Z-za techničnaj niaspraŭnaści husieničnaha krana strała lehła na płot. U nas jość inžynirynhavaja kampanija, jakaja viadzie ŭsie budaŭničyja raboty, heta ich kran. Zaraz tam pracujuć śpiecyjalisty i ekśpierty, - raskazała kiraŭnictva kampanii-zamoŭcy.
U Dziaržpramnahladzie paćvierdzili, što infarmacyja ab PP da ich pastupała, śpiecyjalisty vyjechali na miesca zdareńnia dla abśledavańnia placoŭki. Dakładnyja źviestki pra abstaviny i papiarednich pryčynach buduć paźniej.
