Hrodzienskaja milicyja šukaje padazravanaha ŭ ździajśnieńni ciažkaha złačynstva, piša Hrodna.life.
Pavodle viersii pravaachoŭnikaŭ, z 4 pa 5 žniŭnia jon raśpivaŭ śpirtnoje z sužycielkaj, zaviazałasia svarka, i mužčyna nanios žančynie šmatlikija ŭdary siakieraj pa hałavie. Paśla hetaha vykapaŭ mahiłu ŭ čałaviečy rost, ale, vidać, zrazumieŭ, što žančyna žyvaja, tamu nie staŭ jaje zakopvać. Paciarpiełaj dapamahli, a mužčynu pakul što šukajuć.
Padazravany — Zinoŭčyk Siarhiej Mikałajevič 1975 hoda naradžeńnia, na vyhlad 40-45 hadoŭ, dziabioły, vałasy śvietłyja ź siviznoj, jość załysiny.
Apranuty: džiempier šeraha koleru, ciomna-sini rukaŭ, z nadpisam biełaha koleru firmy «FILAA», panošanyja ciomnyja džynsy, krasoŭki čornaha koleru.
Na pravaj kiści — tatuiroŭka z pavucińniem.
