Niekalki słužbovych asob dziaržaŭnaha pradpryjemstva «Minsktrans» padazrajucca ŭ atrymańni chabaraŭ, paviedamili BiełTA ŭ pres-słužbie Departamienta finansavych rasśledavańniaŭ KDK pa Minskaj vobłaści i Minsku.
«Słužbovyja asoby byli ŭziatyja z dokazami złačynstva - pry atrymańni chabaraŭ za łabiravańnie intaresaŭ kamiercyjnych struktur pry praviadzieńni zakupak zapčastak, haruča-zmazačnych materyjałaŭ. Pryčym u kabiniecie ŭ adnaho ź ich vyjaŭleny bankaŭskija ablihacyi na sumu $500 tys. na pradjaŭnika (abiaźličanyja) i jašče $30 tys. najaŭnymi ŭ bankaŭskich upakoŭkach», — raspaviali ŭ DFR KDK pa Minskaj vobłaści i Minsku.
Jość infarmacyja, što heta nie pieršy fakt atrymańnia słužbovymi asobami «Minsktransu» hrašovych srodkaŭ ad kiraŭnikoŭ kamiercyjnych struktur za spryjalnaje vyrašeńnie pytańniaŭ ab pastaŭkach na adras aŭtobusnych i tralejbusnych parkaŭ stalicy.
Raspačatyja kryminalnyja spravy, kolkaść fihurantaŭ nie razhałošvajecca.
