Atrad śpiecnaza prybyŭ u dom byłoha prezidenta Kyrhyzstana Ałmaźbieka Atambajeva, kab zatrymać jaho, piša K-News.
Voś žyvaja tranślacyja:
U rezidencyju eks-lidara krainy ŭvarvalisia siłaviki, adbyvajecca stralanina.
Miascovyja ŚMI paviedamlali, što Atambajeva zatrymali i pavieźli ŭ nieviadomym kirunku, a dziasiatak ludziej atrymali ranieńni. Adnak paźniej dačka Atambajeva i jaho prychilniki abvierhli jaho zatrymańnie.
Pavodle kloop.kg, prychilniki Atambajeva adbili rezidencyju i zachapili niekalkich bajcoŭ śpiecnazu.
Jak paviedamlaje 24.kg, na terytoryi kala varot rezidencyi adbyŭsia pažar, čutnaja aŭtamatnaja stralanina.
Pavodle vydańnia, siłaviki adkryli ahoń pa viaskoŭcach, jakija pryjšli padtrymać byłoha prezidenta.
Parłamient Kyrhyzstana 20 červienia pieradaŭ u prakuraturu pieralik abvinavačvańniaŭ u adras Atambajeva, padrychtavany śpiecyjalnaj deputackaj kamisijaj. Były prezident moža być datyčny da karupcyi pry madernizacyi CEC Biškieka, vyzvaleńnia pa padroblenych miedycynskich listkach lidara złačynnaj hrupoŭki, niezakonnaha pieravodu ziamiel i inšych niezakonnych dziejańniaŭ. Atambajevu moža pahražać pažyćciovy termin.
Atambajeŭ nazvaŭ abvinavačvańni parłamientaryjaŭ «absurdnymi», zajaviŭ, što čysty pierad narodam i hatovy adkazać za ŭsie svaje ŭčynki na pasadzie prezidenta.
Ałmaźbiek Atambajeŭ uznačalvaŭ krainu z 2011 pa 2017 hod. Jon źjaŭlajecca adzinym usienarodna abranym prezidentam krainy, jaki dobraachvotna pieradaŭ uładu.
