Mahiloŭski błohier Mikita Varažbitaŭ i jaho paplečniki vykłali na Jutub rolik, u jakim «zmahajucca» ź miascovymi prastytutkami.
Mikita Varažbitaŭ
Błohier Varažbitaŭ traplaŭ u ŚMI i raniej: jon kidaŭ vyklik skandalna viadomamu rasiejskamu bajcu Dacyku, ładziŭ prank na vulicy, u jakim biehaŭ ź siakieraj i ŭ mascy.
Ciapier Varažbitaŭ ź siabrami vyrašyli zaniacca mahiloŭskimi prastytutkami. Maładyja chłopcy vialikaj kampanijaj pryjšli tudy, dzie źbirajucca žančyny, pačali vyśviatlać, što tam robiać «rabotnicy», i paabiacali, što buduć ładzić padobnyja rejdy kožnyja vychodnyja.
Videarolik niemahčyma apublikavać praź vialikuju kolkaść niecenzurnaj łajanki.
«My raskryvajem vočy žycharam Mahilova, što ŭ nas jość prastytutki», — tłumačać u videa chłopcy.
Ale na hetym sprava nie skončyłasia: žančyny vyklikali niejkich mužčyn, jakich błohiery nazyvajuć suteniorami. Zdaryłasia bojka pamiž adnym ź ich i kimści z «błohieraŭ».
Paśla pryjechała milicyja, ale «błohieraŭ» nie zabrali.
Kali Varažbitaŭ z paplečnikami sustreli prastytutak jašče raz, to pačali ablivać žančyn nieviadomaj vadkaściu, chutčej za ŭsio, mačoj.
Mikita Varažbitaŭ admoviŭsia havaryć z «Našaj Nivaj» pra svaju tvorčaść.
Viadoma, što błohieru 25 hadoŭ. Jak jon sam raskazvaje ŭ svaich videa, raniej vučyŭsia na elektramanciora, pracavaŭ hruzčykam, achoŭnikam, trenieram. Ciapier žyvie błohierstvam, rekłamuje bukmiekierskija staŭki.
«Naša Niva» znajšła Juryja K. — adnaho z mužčyn na videa, jakoha błohiery nazyvajuć «sutenioram». Ale mužčyna taksama nie zachacieŭ kamientavać historyju. Admovilisia ad kamientaroŭ i prastytutki ź videa.