Heta ekskursija-animacyja raspaviadaje pra zasnavalnika Vialikaha Kniastva Litoŭskaha, pieršaha i apošniaha Karala Litvy — Mindoŭha. Padčas ekskursii vy zmožacie pabačyć žyćciovy šlach karala Mindoŭha ad času jaho vychadu na palityčnuju arenu da momantu hibieli ad ruk zmoŭščykaŭ.
Fota Ivana Muraŭjova.
Ekskursijnaja prahrama pačynajecca z naviedvańnia simvała biełaruskaha Siaredniaviečča — Mirskaha zamka
(vonkavy ahlad, naviedvańnie muzieja ŭ zamku samastojna pa žadańni). Zamak, zbudavany ŭ samym pačatku XVI stahodździa mahnackim rodam Iljiničaŭ, da kanca hetaha ž stahodździa pierachodzić pad apieku kniazioŭ Radziviłaŭ. Mikałaj Kryštap Radzivił Sirotka, jaki ŭ maładyja hady abjechaŭ pałovu Jeŭropy, pabyvaŭ u Jehipcie, Paleścinie, vyrašaje pierabudavać zamak na svoj hust. Tak u miastečku Mir farmujecca zamkavy kompleks, jaki spałučaje ŭ sabie rysy hotyki i reniesansu.
Akramia zamka, u haściej prahramy budzie mahčymaść taksama ahledzieć sažałku, kaplicu-pachavalniu apošnich uładalnikaŭ zamka, Śviatapołk-Mirskich. Budzie mahčymaść pabačyć staražytnuju zabudovu Mira z Trajeckaj carkvoj XVII st., Kaściołam Śviatoha Mikałaja XVI st., sinahohami i ješybotam XIX st., damami ramieśnikaŭ i handlaroŭ.
Miastečku Lubča, kudy paśla nakirujecca ekskursijny aŭtobus, pašancavała: na praciahu mnohich stahodździaŭ jana mieła surjoznych apiekunoŭ. U XIII stahodździ ŭładarom hetych miescaŭ byŭ sam kniaź Mindoŭh.
Paźniej Lubča naležała Chraptovičam, Haštoldam, Kiškam, Radziviłam… U 80-ja hady XVI stahodździa hietman litoŭski Jan Kiška na bierazie Niomana ŭzvodzić 4-viežavy zamak, asobnyja frahmienty jakoha dajšli da našych dzion.
Zamak hety — nie tolki pomnik historyi, ale taksama pomnik ćviordaści, stojkaści ludziej, jakija jaho adnaŭlajuć. Užo vosiem hadoŭ supracoŭniki i vałanciory fondu «Lubčanski zamak» ułasnymi siłami ŭzvodziać nanoŭ jaho ścieny. Što ŭdałosia zrabić za hety čas — ubačym niepasredna na zamkavym dvary.
Tam projdzie i pieršaja častka animacyjnaj prahramy, dzie navahradskaje bajarstva (udzielniki ekskursii) buduć vieści pieramovy ź Mindoŭham i zaprašać jaho na tron Navahradka.
Kali bakam udasca damovicca — dalejšy šlach z nadniomanskimi Lubčy lažyć u lehiendarny Navahradak.
Navahradak — adzin z samych staražytnych haradoŭ na biełaruskaj ziamli.
Čas jaho zasnavańnia historyki adnosiać da ChI st. Napaminam pra dalokija časy źjaŭlajucca vieličnyja viežy navahradskaj ćviardyni. Navahrudak byŭ rezidencyjaj kniazioŭ Vialikaha Kniastva Litoŭskaha i bujnym handlova-ramiesnym centram.
Akramia ruin zamka XIII st., jość u horadzie carkva, ravieśnica Mirskaha zamka, a taksama Farny kaścioł, zbudavany samim vialikim kniaziem Vitaŭtam. Mienavita tut sa svajoj apošniaj žonkaj Sofjaj Halšanskaj braŭ šlub polski karol Jahajła, mienavita tut chryścili Adama Mickieviča.
Niby dyjamienty ŭ karaleŭskaj karonie, azdablajuć Navahradak kaścioł Archanioła Michaiła i Mikałajeŭskaja carkva, tatarskaja miačeć, dom-muziej Adama Mickieviča, hara Mindoŭha.
Na zamku ŭdzielniki ekskursii i pabačać karanacyju Mindoŭha 1253 hoda. Turysty zmohuć razvučyć staradaŭnija tancy, stać śviedkami zachaplalnych rycarskich pajadynkaŭ, a taksama padnieści karalu mantyju i simvały karaleŭskaj ułady.
U zaviaršeńnie prahramy ŭ Navahradku hości stanuć śviedkami napadu na Mindoŭha zmoŭščykaŭ.
Pabačać udzielniki ekskursii i voziera Śviciaź. Jaho amal nie kranuła biaźlitasnaja ruka času. Voziera dahetul začaroŭvaje nas. Jano — niby kaštoŭnaja čaša z dalikatnaha prazrystaha kryštala, kranutaha piaščotnym błakitam.
Lehienda kaža: stajaŭ na hetym miescy horad, cudoŭny, jak mara. Ale adnojčy napali na ziamlu navahradskuju čužaziemcy. Mužčyny pajšli zmahacca, zastalisia ŭ horadzie tolki biezabaronnyja dački i žonki. A vorah padstupiŭ da ścienaŭ. Užo traščać kavanyja miedździu varoty, užo hordyja śviciazianki rychtujucca pamierci ŭ połymi, ale nie schilicca pierad voraham. I tut zdaryŭsia cud. Raskryłasia ziamla i pahłynuła horad, nie addała jaho vorahu na źniavahu. Na miescy horada raźliłosia voziera niabačanaj pryhažości, a na jaho prazrystaj pavierchni źjavilisia «car-kvietki» - takich bolš niama nidzie… Voziera apietaje ŭ tvorach Adama Mickieviča i Jana Čačota.
Daviedacca padrabiaznaści i zapisacca na ekskursiju pa śladach Mindoŭha možna pa telefonach:
(17) 203-69-70
(17) 226-03-02
(29) 682-58-07
(29) 772-77-58
Bolej infarmacyi — na sajcie www.zamak.by.
Fond «Kraina zamkaŭ». UNP 690382807
