Ministerstva zamiežnych spraŭ Bałharyi paraiła Rasii ŭstrymacca ad «sumnieŭnych» vykazvańniaŭ ab vyzvalenčaj roli SSSR u Druhoj suśvietnaj vajnie.
Zajava była zroblena ŭ suviazi z adkryćciom 9 vieraśnia vystavy «75-hodździe vyzvaleńnia Uschodniaj Jeŭropy ad nacyzmu», jakuju arhanizoŭvaje pasolstva Rasii ŭ Safii.
«Nie admaŭlajučy ŭniosku SSSR u razhrom nacyzmu ŭ Jeŭropie, my nie pavinny zapluščvać vočy na toje, što štyki savieckaj armii prynieśli narodam Centralnaj i Uschodniaj Jeŭropy paŭstahodździa represij, zadušeńnia hramadzianskaha sumleńnia, defarmavanaha ekanamičnaha raźvićcia i adarvanaści ad dynamiki pracesaŭ u raźvitych jeŭrapiejskich krainach», — zajavili ŭ MZS Bałharyi.
