U MUS Biełarusi mohuć pierajści na balnuju sistemu acenki słužbovaj dziejnaści. Pra heta paviedamiŭ ministr unutranych spraŭ Juryj Karajeŭ u efiry BT-1.

Pa słovach Juryja Karajeva, u apošnija hady kiraŭniki vysokaha źviana MUS šmat razoŭ paŭtarali pra nieabchodnaść adychodzić ad «pałačna-ptušačnych padychodaŭ» pry acency słužbovaj dziejnaści. Adnak u padraździaleńniach na miescach pa-raniejšamu pa iniercyi imknucca, kab adsotak raskryvalnaści byŭ nie horšy, čym letaś.

«Nie zaŭsiody pamiatajuć, što za kožnaj spravaj staić čałaviek i jaho los, jaho pravy», — adznačyŭ ministr.

Razam z tym kožnaja praca pavinna aceńvacca, upeŭnieny Juryj Karajeŭ. Prapanujecca pierajści na balnuju sistemu, pry jakoj bały buduć naličvacca pa surjoznaści pravaparušeńniaŭ. Budzie aceńvacca nie kolkaść raskrytych drobnych parušeńniaŭ, a sapraŭdy surjoznych, dzie naniesieny bujny ŭron, dzie karupcyja.

U narkabaraćbie zrobiać staŭku na raskryćcio bujnych kanałaŭ pastavak, zatrymańnie bujnych arhanizataraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0