president.gov.by
Alaksandr Łukašenka padkreślivaje braterski charaktar adnosin z Rasijaj i adchilaje abvinavačvańni ŭ tym, što ŭ svajoj zamiežnaj palitycy nibyta paviarnuŭsia na Zachad. Pra heta jon zajaviŭ siońnia, adkazvajučy na pytańni žurnalistaŭ u Breście, piša BiełTA.
«Što da Rasii, my adzin narod, ja tysiaču razoŭ kazaŭ. Heta ž našy ludzi, našy braty. My ź imi byli zaŭsiody razam, jany zaŭsiody padstaŭlali nam plačo. I toje, što ŭ nas siońnia prablemy časam z Rasijaj, dyk heta ž nie z ruskimi ludźmi i nie z rasijanami. Jany bliskuča da nas staviacca. Čamu my pavinny da ich stavicca drenna, pavaročvacca kudyści, zdradžvać, jak niekatoryja kažuć. Hetaha nikoli nie budzie. Navat bieź mianie hetaha nie budzie. Biełarusy nie dazvolać zdradzić našamu starejšamu bratu.
Ale my patrabujem ad starejšaha brata, kab heta byŭ starejšy brat. Kab jany nie hnabili, nie nachilali nas, a ŭ ciažkuju chvilinu padtrymali», — padkreśliŭ biełaruski kiraŭnik.
