president.gov.by
Biełaruś mahła b pryniać letniuju Alimpijadu, kali zaručycca padtrymkaj Rasii i Ukrainy. Pra heta paviedamiŭ Alaksandr Łukašenka ŭ Breście, pieradaje BIEŁTA.
Jon udakładniŭ, što ŭ krainie ŭžo jość spartyŭnaja infrastruktura, jakuju pabudavali dla II Jeŭrapiejskich hulniaŭ. Adnak Biełarusi «ciažka spaborničać z hihantami» ŭ adzinočku, ličyć jon, tamu susiednija dziaržavy mahli b dapamahčy.
«I tut u asnoŭnym letniuju [Alimpijadu] pravieści — u Biełarusi — z dapamohaj rasiainaŭ ci ŭkraincaŭ. U ich jość abjekty, jakich nam nie chapaje», - skazaŭ Łukašenka. U pryvatnaści, pavodle jaho słoŭ, dla Hulniaŭ mohuć padyści futbolnyja stadyjony, pabudavanyja ŭ Rasii da čempijanatu śvietu — 2018.
U 2020 h. letniaja Alimpijada projzie ŭ Tokia, u 2024-m u Paryžy, a ŭ 2028 h. u Łos-Andžełasie.
