Alaksandr Łukašenka prakamientavaŭ svajo rašeńnie nie jechać u Polšču 1 vieraśnia na pamiatnyja mierapryjemstvy ŭ suviazi z pačatkam Druhoj suśvietnaj vajny. Łukašenka adznačyŭ, što jon byŭ nie suprać samoha faktu pravieści hetyja mierapryjemstvy.

— Ale my jaje nie ŭznosim da niejkich palityčnych niabiosaŭ. Heta nie treba rabić. Ja suprać palityzacyi hetaj padziei, — skazaŭ jon. - Našy ludzi byli 1 vieraśnia tut. Tak, prezident tudy nie pajechaŭ. Dyk nie ja adzin nie pajechaŭ. I heta nie vypad suprać Zachadu. My vielmi dobra stavimsia da polskaha narodu i budziem da ich tak stavicca. Tamu što z hetaha, zachodniaha boku, jak ruskija, tak i palaki tut u nas. My ŭ adnoj dziaržavie kaliści žyli. U nas šmat palakaŭ žyvie. Čamu my pavinny ź imi svarycca? Tak, jany pravodziać inšy raz tuju palityku, jakaja nie padabajecca. Vy viedajecie maju reakcyju na heta. Ja im ščyra kažu: hladzicie, my adkažam.

— Dakładna tak, kali pačali hetyja rakiety raźmiaščać roznyja. My adkazali — stvaryli svoj kompleks «Pałanez». Jany zapłakali, što my ich tam nacelili… Ja kažu: prybirajcie svaje rakiety. Praŭda, ja daŭ kamandu — na skład pakłali svaje rakiety. Dumaju, zrobiać tak ža i jany, adkaz budzie dakładna taki. My nie chočam ni z kim vajavać. Ale my nie dazvolim bolš z nas ździekavacca. Nikomu. Ni mahutnym dziaržavam, ni słabiejšym, — padkreśliŭ Łukašenka.

— Nie treba palityzavać hetyja pytańni. Jašče nieviadoma, dzie my apyniomsia praź dziasiatak-druhi hadoŭ. Tamu adzin adnaho dapiakać hetymi prablemami nie treba. I ŭ toj ža čas, jašče raz padkreślivaju, my ž nie byli suprać. Našy ludzi tam prysutničali na cyrymonii, naš pasoł, dypłamaty byli. Nie baču tut nijakich antyzachodnich vypadaŭ, — skazaŭ Łukašenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?