Tak vyhladaŭ pamiatny znak z vyjavaj hierba Rasiejskaj imperyi, ustalavany ŭ centry miastečka Vidzy

Tak vyhladaŭ pamiatny znak z vyjavaj hierba Rasiejskaj imperyi, ustalavany ŭ centry miastečka Vidzy

Z pamiatnaha znaku, ustalavanaha ŭ centry miastečka Vidzy Brasłaŭskaha rajonu ŭ honar zasnavańnia 1 vieraśnia 1803 hodu Vidzaŭskaha paviatovaha vučylišča, źniali vyjavu hierba Rasiejskaj imperyi i ŭsie nadpisy. Pra heta karespandentu Svabody skazaŭ dyrektar Vidzaŭskaha dziaržaŭnaha prafesijna-techničnaha kaledžu Michaił Śmirnoŭ.

Pamiatny znak z vyjavaj hierba Rasiejskaj imperyi ŭstalavany ŭ centry miastečka Vidzy Brasłaŭskaha rajonu ŭ honar zasnavańnia 1 vieraśnia 1803 hodu Vidzaŭskaha paviatovaha vučylišča. Na im pa-rasiejsku napisana, što vučelnia zasnavana pa ŭkazie cara Alaksandra I.

«Nadpisy źniali na tym tydni sami», — skazaŭ dyrektar. Jon dadaŭ, što kiraŭnictva navučalnaj ustanovy «zapuściła praceduru afarmleńnia», kab vyśvietlić, što možna pisać na kamieni.

«Niachaj nam daduć rekamendacyi, budziem pa-novamu rabić. Ale ŭ navučalnaj ustanovy i ŭ dziaciej nielha adymać historyju», — skazaŭ Michaił Śmirnoŭ.

Pavodle dyrektara, ciapier «prosta napisali, što heta studencki skver».

«Niaŭhodna ludziam, to radzi boha», — skazaŭ jon.

Fatazdymak pamiatnaha znaku z vyjavaj carskaha hierba źmiaściŭ u fejsbuku žurnalist Źmicier Kazakievič, jaki sam rodam ź Vidzaŭ. Pamiatny znak vyklikaŭ aburanyja kamentary ŭ sacsietkach i publikacyi ŭ ŚMI.

Na platformie petitions.bu byŭ arhanizavany zbor podpisaŭ za demantaž u Vidzach kamienia z hierbam Rasiejskaj imperyi.

Ministerstva kultury razam ź Instytutam historyi NAN razhledzieła kalektyŭny zvarot i pryjšło da vysnovy, što «byŭ vyjaŭleny šerah histaryčnych supiarečnaściaŭ u nadpisie na pamiatnym znaku». Ministerstva nakiravała list u Brasłaŭski rajvykankam i Viciebski abłvykankam z patrabavańniem «pryniać miery pa fakcie ŭstalavańnia pamiatnaha znaku z parušeńniem dziejnaha zakanadaŭstva».

Michaił Śmirnoŭ ličyć, što vyjaŭlenyja historykami supiarečnaści «nia vartyja vyjedzienaha jajka».

«U roznych krynicach napisana ŭsio pa-roznamu. Usio heta nazyvajecca słovabłudztvam. Prosta niepryjemna, što jość ludzi, hatovyja zrabić usio, kab pamianiać historyju. Ale historyju nie padmanieš. My praceduru zapuścili, i niachaj historyki jašče raz papraktykujucca ŭ svaich viedach. Hierb Rasiejskaj imperyi mianie chvaluje mienš za ŭsio. Mianie chvaluje histaryčnaja spraviadlivaść i historyja navučalnaj ustanovy, jak i ŭvieś kalektyŭ», — skazaŭ Michaił Śmirnoŭ.

Namieśnica staršyni Brasłaŭskaha rajvykankamu Volha Vialička skazała, što hierb Rasiejskaj imperyi na kamień bolš nia viernuć.

«Kali heta niapravilna,to nie ŭstanoviać», — skazała jana.

Volha Vialička dadała, što nie davała ŭkazańniaŭ demantavać hierb i nadpisy.

«My prosta parazmaŭlali ŭ rabočym paradku, kiraŭnik skazaŭ, što pierahledzim. Vidać, jany zrazumieli, što pamylilisia, niapravilna zrabili», — skazała jana.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?