5 vieraśnia ŭ viciebskuju milicyju źviarnułasia žycharka abłasnoha centra. Jana paviedamiła, što ŭ lesapałasie pablizu doma 62 pa vulicy Čkałava ŭ Viciebsku nieviadomy złačynca ŭdaryŭ nažom jaje znajomaha.

Papiarednie ŭstanoŭlena, što kampanija z čatyroch čałaviek pravodziła čas razam. U niejki momant pa ściežcy prachodziŭ mužčyna z torbaj, u jakoha adna ź dziaŭčyn paprasiła cyharetu. Nieznajomy adšturchnuŭ jaje. Heta nie spadabałasia paciarpiełamu, i jon vyrašyŭ pahavaryć z kryŭdzicielem svajoj znajomaj. U hety momant mužčyna ŭdaryŭ jaho ŭ hrudzi nažom i staŭ uciakać. Za padazravanym kinuŭsia naŭzdahon jašče adzin udzielnik kampanii. Jamu ŭdałosia dahnać złačyncu i pieradać u ruki milicyjanieraŭ. Ale paranieny mužčyna skanaŭ.

Złačyncam akazaŭsia raniej nie sudzimy 53-hadovy žychar abłasnoha centra. Zaviali kryminalnuju spravu pa častcy 2 artykuła 139 KK Biełarusi (Zabojstva).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?