Navukoŭcy Univiersiteta Vanderbilta (ZŠA) raskryli novy miechanizm mietastazavańnia, jaki zaklučajecca ŭ tym, što rakavyja kletki vybirajuć mienš enierhazatratny šlach dla mihracyi ŭ inšyja tkanki i orhany arhanizma. Ab hetym paviedamlajecca ŭ pres-relizie na MedicalXpress.
Daśledčyki vyśvietlili, što złajakasnyja kletki addajuć pieravahu pieramiaščeńniu pa šyrokich, a nie vuzkich prastorach u mižkletkavym matryksie. Vydatak enierhii i mietabalizm vyjavilisia važnymi faktarami ŭ farmiravańni mietastazaŭ, to bok druhasnych puchlinnych ačahoŭ. Adkryćcio dapamahło navukoŭcam sprahnazavać, pa jakich šlachach buduć mihravać kletki, i skłaści karty ich ruchu.
Pry prahresavańni raku pazakletkavy matryks stanovicca dezarhanizavanym, utvarajucca pory i vuzkija kanały šyrynioj ad troch da 30 mikramietraŭ. Jak tolki kanały abo mikratreki farmujucca adnymi puchlinnymi kletkami, inšyja kletki vykarystoŭvajuć ich dla chutkaha raspaŭsiudu. Heta tłumačyć, čamu inhibitary matryksnych mietałaprateinazaŭ nie zaŭsiody efiektyŭnyja suprać mietastazavańnia, kali rak pierachodzić u apošniuju stadyju. Razumieńnie miechanizmaŭ pieramiaščeńnia kletak praź mikratreki pavinna dapamahčy ŭ raspracoŭcy novych mietadaŭ terapii.
Matryksnymi mietałaprateinazami nazyvajuć białki, jakija adyhryvajuć vyrašalnuju rolu ŭ anhijahienezie (utvareńni novych sasudaŭ), mihracyi i padziele kletak, prahramavanaj kletkavaj śmierci (apaptoz) i inšych pracesach.
