Kiraŭnik KNDR zaprasiŭ prezidenta ZŠA naviedać Pchieńjan. Pra heta paviedamlaje ŭ paniadziełak paŭdniovakarejskaja hazieta JoongAng Ilbo, abapirajučysia na dadzienyja niekalkich krynic, piša tass.ru.
Pavodle vydańnia, zaprašeńnie ŭtrymlivajecca ŭ liście, pieradadzienym amierykanskamu lidaru ŭ žniŭni.
U pasłańni Kim Čen Yn prapanavaŭ svajmu amierykanskamu vizavi pravieści treci raŭnd pieramovaŭ na vyšejšym uzroŭni, pry hetym niezrazumieła, ci adkazaŭ Tramp na hety list.
Pracoŭnyja pieramovy pamiž ZŠA i KNDR pa prablemie denuklearyzacyi buksujuć ź lutaha hetaha hoda paśla biezvynikovaha zaviaršeńnia Chanojskaha samitu Trampa i Kim Čen Yna. Niahledziačy na toje, što dva lidary paśla sustrelisia ŭ červieni i damovilisia ab pierazapusku dyjałohu, hetaha pakul nie adbyłosia.
Na tym tydni KNDR apublikavała zajavu namieśnika ministra zamiežnych spraŭ Coj Son Chi, jakaja padkreśliła, što paŭnočnakarejskija dypłamaty hatovyja sustrecca z pradstaŭnikami ZŠA, ale amierykanskamu boku nieabchodna źmianić svoj padychod na pieramovach i prapanavać Pchieńjanu «alternatyvy, zasnavanyja na prymalnych raźlikach».