Trahikamičny vypadak adbyŭsia ŭ vioscy Barstvinava Dubrovienskaha rajona. Svojski hadavaniec — zvyčajny kazioł - vydaŭ pravaachoŭnikam miescaznachodžańnie prychavanaha haspadarom abreza palaŭničaj strelby, paviedamlajuć Minsk-Naviny.
Supracoŭniki Dziaržaŭnaj inśpiekcyi achovy žyviolnaha i raślinnaha śvietu zatrymali dvuch žycharoŭ Oršy, jakija łavili rybu sietkaj na Dniapry. Tut prosta pa race prachodzić miaža z Rasijaj. Zatrymanyja byli ludzi z vopytam. Adzin u minułym sam źjaŭlaŭsia supracoŭnikam pryrodaachovy, druhi, jaki maje jurydyčnuju adukacyju, pry zatrymańni pasprabavaŭ pazbavicca ad ŭłovu, a taksama schavacca ad pieraśledu ŭpłaŭ.
Usiaho sietkaviki zdabyli 14 kh ryby, i hetaha akazałasia dastatkova, kab parušeńnie nabyło kryminalny charaktar.
U dvuch damach vioski, dzie spynialisia brakańjery, praviali pieratrus. Milicyjanty vyjavili jašče 28 prychavanych sietak, adnu elektravudu i try kamplekty abstalavańnia da jaje. Samuju niečakanuju znachodku dapamoh zrabić kazioł, jaki hulaŭ pa padvorku. Žyvioła vykaciła z zacišnaha miesca płastykavuju bočku, u jakoj lažaŭ zaradžany patronami abrez palaŭničaj strelby.
- Rybakoŭ-nielehałaŭ zaklučyli pad vartu. Jany pryznali fakt niezakonnaha promysłu i ŭžo pakryli 2,6 tys. rubloŭ.
