Ministerstva finansaŭ rychtuje prajekt ukaza «Ab płacie za karystańnie aŭtamabilnymi darohami i asobnymi elemientami vulična-darožnaj sietki». Jon praduhledžvaje adviazku dziaržpošliny ad techahladu i mahčymaść płacić pa miesiacach, paviedamlaje BiełTA.
Dziejučaja sistema spahnańnia dziaržpošliny praduhledžvaje nieabchodnaść jaje vypłaty za ŭvieś pieryjad dziejańnia dazvołu na dopusk transpartnaha srodku da ŭdziełu ŭ darožnym ruchu. Heta vyklikaje narakańni z boku asobnych hramadzian, pakolki taki paradak nie ŭličvaje intensiŭnaści (siezonnaści) vykarystańnia daroh.
U hetaj suviazi ministerstva rychtuje prajekt ukaza «Ab płacie za karystańnie aŭtamabilnymi darohami i asobnymi elemientami vulična-darožnaj sietki». Jon praduhledžvaje adviazku vypłaty dziaržpošliny fizičnymi asobami ad prachodžańnia techahladu transpartnych srodkaŭ i jaje spahnańnie ŭ vyhladzie płaty za ŭdzieł transpartnych srodkaŭ u darožnym ruchu.
Płata budzie ŭnosicca hramadzianami pa zajaŭnym pryncypie zychodziačy z płanavanaha pieryjadu ŭdziełu transpartnaha srodku ŭ darožnym ruchu.
Tak, kali hramadzianin nie budzie ekspłuatavać transpartny srodak (naprykład, u zimovy pieryjad), to płata ŭnosicca nie budzie, a hramadzianie, jakija jeździać ceły hod, atrymajuć panižalny kaeficyjent 0,8 (pry adnačasovym jaje ŭniasieńni za 12 i bolš miesiacaŭ zapar).
Uviadzieńnie ŭ dziejańnie novaha paradku praduhledžvajecca nie raniej za 1 studzienia 2020 hoda.
