Šerah palityčnych siłaŭ, u pryvatnaści eks-bajcy «Azova», partyi «Svaboda», «Jeŭrapiejskaja salidarnaść», a taksama vieterany rasijska-ŭkrainskaj vajny ŭ Dzień abaroncy Ukrainy vyjšli na marš pad nazvaj «Nie kapitulacyi» ŭ Kijevie. U akcyi ŭziali ŭdzieł bolš za 12 tysiač čałaviek.
Arhanizatary akcyi vystupajuć suprać Minskich pahadnieńniaŭ, padpisanych u 2015—2016 hadach, jakija praduhledžvajuć urehulavańnie kanfliktu šlacham uviadzieńnia asablivaha statusu dla Danbasa.
Siarod patrabavańniaŭ udzielniki maršu nazyvali zabaranić:
— advod ukrainskich vojskaŭ ad linii raźmiežavańnia,
— uviadzieńnie asablivaha statusu dla «DNR» i «ŁNR»,
— amnistyju bajevikam t.zv. «DNR/ŁNR»,
— stvareńnie «narodnaj milicyi» t.zv. «DNR/ŁNR»,
— vybary na akupavanych terytoryjach biez atrymańnia kantrolu nad miažoj.
Paśla zaviaršeńnia vieča na Majdanie ŭdzielniki vysunulisia da rezidencyi prezidenta.
U chodzie vieča sa sceny vystupali vieterany i hramadskija dziejačy. Akramia patryjatyčnych łozunhaŭ, udzielniki vykrykvali: «Zialenski — preč», «Bohdana ŭ adstaŭku», «Pieramoha» i šerah inšych.
