Žančyna viartałasia ranicaj z kramy praz haražy, dzie zaŭvažyła ekshibicyjanista. Jana nie razhubiłasia i vyklikała milicyju. Da pryjezdu pravaachoŭnikaŭ žycharka Słucka prasačyła za chulihanam i źniała jaho na videa. Žančyna raspaviała, što mužčynu ŭ hetym miescy jana bačyła nie raz, paviedamlaje Infa-Kurjer.
Kali ekshibicyjanista dastavili ŭ RAUS, akazałasia, što ŭ krasaviku ŭ milicyju źviartałasia inšaja žycharka Słucka i apisvała hetaha ž mužčynu. Suprać žychara Słucka zaviali kryminalnuju spravu pa art. 339 KK RB (chulihanstva).
Za sadziejničańnie śledstvu žančynie 14 kastryčnika ŭručyŭ padziaku načalnik Słuckaha RASK.
