Karaleŭski sud Tysajda (haradskaja ahłamieracyja na paŭnočnym uschodzie Anhlii) źniaŭ z byłoha paŭabaroncy zbornaj Anhlii Poła Haskojna abvinavačvańni ŭ seksualnym damahańni. Pra heta paviedamlajuć Sky Sports, Bi-bi-si i Yahoo Sport UK.

52-hadovaha Haskojna abvinavačvali ŭ tym, što 20 žniŭnia 2018 hoda jon u stanie ałkaholnaha apjanieńnia čaplaŭsia da nieznajomaj žančyny ŭ ciahniku, jaki ruchaŭsia ź Jorka ŭ Ńjukasł. Pavodle zajavy žančyny, były futbalist siłkom pacałavaŭ jaje ŭ vusny.

Padčas sudovaha pasiedžańnia Haskojn zajaviŭ, što nie damahaŭsia nieznajomki. Pavodle jaho słoŭ, jon pacałavaŭ žančynu, kab padtrymać jaje. Jak śćviardžaje Haskojn, da hetaha inšy pasažyr abraziŭ žančynu, nazvaŭšy jaje toŭstaj.

Anhielec zaviaršyŭ futbolnuju karjeru ŭ 2004 hodzie. Z tych časoŭ jon niekalki razoŭ prachodziŭ kurs lačeńnia ad ałkaholnaj zaležnaści.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?