Cukierbierh adznačaje, što z momantu zapusku Facebook u 2004 hodzie jon zasiarodziŭsia na stvareńni servisaŭ, jakija dajuć ludziam mahčymaść vykazvacca i abjadnoŭvacca. Zdolnaść havaryć svabodna była centralnaj u hłabalnaj baraćbie za demakratyju. Mahčymaść bolšaj kolkaści ludziej dzialicca svaimi pohladami robić hramadstva bolš inkluziŭnym.

Ale ideja svabody samavyjaŭleńnia ŭsio čaściej stavicca pad pytańnie, adznačaje Cukierbierh.

«Niekatoryja ličać, što svaboda vykazvańnia chutčej raździalaje nas, čym abjadnoŭvaje. Pradstaŭniki roznych palityčnych sił ličać, što dasiahnieńnie palityčnaha vyniku važniejšaje, čym pradastaŭleńnie kožnamu čałavieku prava hołasu», — niepakoicca stvaralnik fejsbuka.

Časta ŭźnikaje žadańnie admovicca ad svabody słova ŭ naš čas.

Adnak Cukierbierh ličyć, što čałaviectvu treba nie paddavacca spakusam i adstajać svabodu samavyjaŭleńnia.

Taksama ŭ svaim pasłańni jon vystupiŭ u abaronu palityčnaj rekłamy ŭ fejsbuku, bo jana, niahledziačy na ​​ŭsie vykliki i prablemy, źjaŭlajecca važnaj častkaj svabody słova.

Клас
Панылы сорам
Ха-ха
Ого
Сумна
Абуральна