Premjer-ministr Polščy Matevuš Maraviecki vystupiŭ sa śćviardžeńniem, što krainy Jeŭrasajuza, jakija padtrymali prajekt budaŭnictva hazapravoda «Paŭnočny patok — 2», faktyčna apłačvajuć novyja ŭzbrajeńni dla rasijskaha vojska. Intervju ź im apublikavała ŭ niadzielu brytanskaja hazieta Financial Times.

«Jak biez chitrykaŭ kažuć mnohija ludzi, dziakujučy «Paŭnočnamu patoku — 2» na jeŭrapiejskija hrošy Rasija zakuplaje novyja ŭzbrajeńni, — skazaŭ Maraviecki. — Tak što mianie vielmi rasčaroŭvaje toj fakt, što padobny prajekt atrymlivaje prykmietnuju padtrymku z boku klučavych dziaržaŭ — siabroŭ ES».

«My całkam padtrymlivajem supracoŭnictva ź mirnaj i demakratyčnaj Rasiejaj, adnak Rasija — nie mirnaja kraina i davoli ahresiŭnaja da ŭsich vakoł jaje, — adznačyŭ polski premjer. — Mnie nie zdajecca, što salidarnaść siabroŭ Jeŭrasajuza pavinna być nastolki važnaja dla jeŭrapiejskich lidaraŭ, kab my zapluščvali vočy na ​​aściarohi inšych partnioraŭ pa ES z nahody Rasii».

Rasijski hazapravod «Paŭnočny patok — 2» prachodzić praz terytaryjalnyja vody i vyklučnyja ekanamičnyja terytoryi Finlandyi, Šviecyi, Danii i Hiermanii. Jaho mierkavanaja mahutnaść — 55 młrd kub. m u hod. Budaŭnictva pieršaj nitki hazapravoda płanujecca zaviaršyć da kanca 2019.

Клас
0
Панылы сорам
0
Ха-ха
0
Ого
0
Сумна
0
Абуральна
0