Vialikija vychodnyja kampanija z troch maładych ludziej vyrašyła pravieści z razmacham. Miescam dla hetaha vybrali Rasony, dzie žyŭ adzin z pryjacielaŭ. Viačorki ŭ miascovym bary skončylisia razam z zakryćciom stanovy. Zasmučanyja rańnim zakančeńniem śviata, maładyja ludzi nadumali praciahnuć jaho ŭžo ŭ Połacku, paviedamlaje abłasnaja milicyja.

Kab dabracca tudy, chłopcy vyrašyli złavić spadarožnuju mašynu. Ale ažyćciavić heta hłybokaj nočču akazałasia spravaj nie prostaj. Tady na vočy kampanii trapiłasia čužaja «Niva», jakaja stajała niepadalok. Na ščaście maładych ludziej, jana apynułasia nie začynienaj. I navat bolš: u sałonie znachodzilisia klučy. Zavioŭšy mašynu, usia kampanija adpraviłasia ŭ Połack. Pahulaŭšy tam, chłopcy najechali nazad. Pa darozie jany vysadzili adnaho z pryjacielaŭ, a paśla pasprabavali schavać aŭtamabil, u jakim skončyłasia paliva.

VAZ-2121 byŭ pakinuty na poli. Papiarednie ź jaho źniali akumulatar i numary. Maskiroŭka śladoŭ złačynstva nie vyratavała padazravanych. Nieŭzabavie ŭsie ŭdzielniki načnoha ŭhonu byli ŭstanoŭleny pravaachoŭnikami. Zaviedziena kryminalnaja sprava.

Клас
0
Панылы сорам
0
Ха-ха
0
Ого
0
Сумна
0
Абуральна
0