Tureckija i zachodnija ŚMI, u tym liku Reuters, sa spasyłkaj na roznyja krynicy paviedamlajuć, što ŭ Stambule ŭ paniadziełak byŭ znojdzieny miortvym Džejms Le Meziurje, były brytanski aficer, jaki paśla pačatku vajny ŭ Siryi zasnavaŭ humanitarnuju arhanizacyju «Biełyja kaski», paviedamlaje Radyjo Svaboda.

Hetuju arhanizacyju nieadnarazova krytykavali rasijskija ŭłady.

Paviedamleńni ab śmierci Le Meziurje pakul aficyjna nie paćvierdžanyja, adnak ahienctvy, aproč žurnalistaŭ i aktyvistaŭ spasyłajucca na dypłamatyčnyja krynicy. Nie da kanca zrazumiełaja i pryčyna śmierci.

Pa šerahu paviedamleńniaŭ, cieła Le Meziurje było znojdziena pad voknami jaho kvatery, što dazvalaje vykazać zdahadku, što havorka idzie ab hvałtoŭnaj śmierci.

«Biełyja kaski», abo «Siryjskaja hramadzianskaja abarona» - niaŭradavaja dobraachvotnickaja arhanizacyja, jakaja dziejničaje ŭ Siryi na terytoryjach, jakija kantralujucca apazicyjnymi hrupoŭkami. Arhanizacyja akazvaje miedycynskuju dapamohu nasielnictvu i dapamahaje mirnym žycharam, jakija paciarpieli ŭ padčas bajavych dziejańniaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?