Samalot kiraŭnika biełaruskaj dziaržavy vylecieŭ z Nacyjanalnaha aeraporta Minsk, pieradaje BIEŁTA.
Płanujecca, što 12 listapada ŭ Vienie ŭ vuzkim i pašyranym składach projduć pieramovy kiraŭnika biełaruskaj dziaržavy z prezidentam Aŭstryi Alaksandram Van der Bielenam.
Lidary krain abmiarkujuć praciah handlova-ekanamičnaha, inviestycyjnaha i humanitarnaha supracoŭnictva, jakoje ŭžo znachodzicca na dosyć vysokim uzroŭni. U centry ŭvahi buduć i palityčnyja pytańni: situacyja ŭ rehijonie i śviecie, uzajemadziejańnie Biełarusi ź Jeŭrasajuzam, u tym liku ŭ farmacie «Uschodniaha partniorstva», tematyka achovy navakolnaha asiarodździa.
Kiraŭnik Biełarusi ŭ Vienie praviadzie taksama pieramovy sa staršynioj Nacyjanalnaha savieta Aŭstryi Volfhanham Sabotkam.
Akramia taho, Alaksandr Łukašenka ŭ farmacie rabočaj viačery praviadzie sustreču sa staršynioj Aŭstryjskaj narodnaj partyi, deputatam Nacyjanalnaha savieta Aŭstryi Siebaśćianam Kurcam.
Adnačasova ź vizitam kiraŭnika dziaržavy ŭ Vienie budzie prachodzić aŭstryjska-biełaruski biznes-forum, u jakim prymuć udzieł dziełavyja koły dźviuch krain, u tym liku pradstaŭnikoŭ bujnoha biźniesu.
