27-hadovy žychar Minskaj vobłaści zarablaŭ sabie na žyćcio niezvyčajnym sposabam — naviedvaŭ śpiecyjalizavanyja kramy z technikaj, u jakich kraŭ mabilnyja aksesuary: słuchaŭki, biazdrotavuju harnituru, akumulatarnyja batarei. Kradzienuju techniku minčuk realizoŭvaŭ na staličnych rynkach za paŭcany, a hrošy traciŭ na siabie, piša staličnaja milicyja.
Mužčyna dziejničaŭ pa adpracavanaj schiemie: zachodziŭ u kramu pad vyhladam pakupnika, a paśla čaho kłaŭ žadanuju reč u kišeniu i pakidaŭ kramu.
Pravaachoŭniki zatrymali fihuranta pa haračych śladach, bo raniej jon užo traplaŭ u pole zroku milicyjantaŭ za anałahičnyja złačynstvy.
U chodzie razhladaŭ apieratyŭnikami Centralnaha RUUS h. Minska ŭstanoŭlena dačynieńnie maładoha čałavieka da ździajśnieńnia šerahu anałahičnych kradziažoŭ na terytoryjach Maskoŭskaha i Kastryčnickaha rajona stalicy. Ciapier jamu treba budzie pakryć škodu na sumu zvyš 1900 rubloŭ.
