Rasijski humaryst Maksim Hałkin zajaviŭ na svaim kancercie, što na rasijskim telebačańni jość cenzura. «Ja tamu i nie prašu hetych zvańniaŭ. Tak jość mahčymaść ich abasr…», — rastłumačyŭ jon. Na jaho dumku, «z punktu hledžańnia telebačańnia ŭ nas savieckija časy viarnulisia». Artyst taksama papraknuŭ kanały ŭ častym aśviatleńni situacyi va Ukrainie.
Stała viadomaja reakcyja rasijskich teleprapahandystaŭ, jakich vyśmiejaŭ Hałkin: Arcioma Šejnina, Uładzimira Sałaŭjova i Dźmitryja Kisialova.
Šejnin zajaviŭ, što Hałkin zrabiŭ pamyłku, kali syšoŭ ź Pieršaha kanała, «dzie byŭ karalom».
«Mnie pieradali, što ŭ jaho jašče adna pakuta. Akramia cenzury, jon pakutuje, što jamu narodnaha nie dali. Moža być, užo dać jamu narodnaha? Tamu što, moža być, tady jon trochi supakoicca», — skazaŭ Šejnin.
Sałaŭjoŭ ličyć, što ŭ časy Savieckaha Sajuza «i blizka nie było mahčymaści pravodzić tyja farmaty», jakija žurnalist pravodzić ciapier. «Naprykład, ja, dzie ludzi samych roznych punktaŭ hledžańnia i z samych roznych krain vykazvajuć absalutna svabodna svaje pazicyi», — dadaŭ jon.
Kisialoŭ nazvaŭ słovy pra cenzuru absurdam. «Heta dla lehkaviernych, dla tych, chto, napeŭna, siadzić u internet-norkach, dla «chamiačkoŭ»». [Dla tych], jakija vielmi pałachlivyja. Heta hłupstva realnaje», — raspavioŭ jon.
«Rasija naohuł — čempijon śvietu pa svabodzie słova. U nas vy možacie małoć usio što zachočacie ŭ efiry, nie budučy abmiežavanymi ni tradycyjami, ni palitkarektnaściu. Naohuł ničym. Tamu kazać pra niejkuju cenzuru — dziŭna», — skazaŭ teleprapahandyst.
