Biełaruski vykanaŭca Maks Korž razam z žonkaj Taćcianaj pabyvaŭ u Hrodnie i naviedaŭ Kronan Park Hatel. Pra heta stała viadoma ź instahrama Taćciany, piša Hrodna.life.

Maks Korž źbiraje stadyjony, ale ŭžo šmat hadoŭ nie daje intervju. Admovu atrymaŭ navat znakamity rasijski intervjujer Juryj Dudź. Na instahram Karža padpisanyja bolš za 2,3 młn čałaviek, ale ź jaho profila składana zrazumieć, dzie jon znachodzicca i čym zajmajecca. Podpis u profili tak i kaža: «Vy nijakaha ŭjaŭleńnia nie majecie, dzie ja znachodžusia i čym zajmajusia, ale tut choć by zrazumieła, što ŭ mianie ŭsio OK».

A voś dziakujučy profilu jaho žonki Taćciany, na jakuju padpisanyja bolš za 177 tysiač čałaviek, možna było ŭbačyć, što listapadaŭskija vychadnyja para praviała ŭ Hrodnie.

Dziaŭčyna vykłała post «7 hadoŭ, jak nosim piarścionki» z chešteham #101112. Łakacyja — Hrodna. Taksama Taćciana vykłała storys, u jakim adznačyła Kronan Park Hatel.

U kamientaryjach da pasta adzin z padpisčykaŭ zadaŭ pytańnie: ź jakoj nahody siamja vybrałasia ŭ Hrodna. Taćciana koratka adkazała: «Vychadnyja».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?