Ranicaj 13 listapada ŭ Maładziečanski RAUS pastupiła telefonnaje paviedamleńnie — žančyna raskazała pra źniknieńnie ź jaje bankaŭskaj karty kala $ 20 tys. i 13,5 tysiač jeŭra, paviedamlaje pres-słužba MUS.
Apieratyŭniki adździeła pa raskryćci złačynstvaŭ u śfiery vysokich technałohij UUS Minščyny vyśvietlili, što napiaredadni ŭ adnym ź miesiendžaraŭ z paciarpiełaj źviazvaŭsia mužčyna.
Nieznajomy nibyta chacieŭ nabyć televizar, jaki žančyna pradavała praź interniet. Dla ŭniasieńnia pieradapłaty jon paprasiŭ pieradać rekvizity jaje bankaŭskaj karty. Adnak, pavodle jaho słoŭ, tranzakcyja nie prajšła, u suviazi z čym žančynie było prapanavana prajści pa spasyłcy na sajt banka dla praviadzieńnia apieracyi ŭ asabistym kabiniecie.
Sajt apynuŭsia fišynhavym. Uviedzienymi łahinam i parolem zavałodaŭ nieviadomy, jaki paźniej skraŭ z rachunku paciarpiełaj hrošy. Adpaviedna pieradapłaty jana taksama nie atrymała.
