ostrov-chistoty.by
Sietka mahazinaŭ «Vostraŭ čyścini» ź niadaŭniaha času pašyryła svoj asartymient praduktami charčavańnia i ałkaholnaj pradukcyjaj. Heta zaachvociła haspadaroŭ drogery-rytejlera źmianić nazvu na «Vostraŭ čyścini i smaku», piša Tut.by.
Rytejler uvachodzić u chołdynh «Romaks», jaki ŭklučaje vytvorcu bytavoj chimii, parfumierna-kaśmietyčnaj pradukcyi, tualetnaj papiery, survetak i imparciora anałahičnaj zamiežnaj pradukcyi. Kampaniju kantraluje siamja Viktara Ramuka.
Sietka «Vostraŭ čyścini i smaku» užo naličvaje bolš za 550 kram. Rytejler abjadnoŭvaje 5,2 tys. supracoŭnikaŭ.
Ź niadaŭnich časoŭ, akramia tavaraŭ bytavoj chimii, kaśmietyki i parfumieryi, srodkaŭ hihijeny i haspadarčych tavaraŭ, na palicach kram stali źjaŭlacca pradukty charčavańnia (dziciačaje charčavańnie, soki, čaj, kava, kandytarskija vyraby, kietčupy) i śpirtnyja napoi.
